Cherry

由一開始以為可以搞F2F Pro P，緊張又期待咁策劃；到疫情越嚟越嚴重，心知counter可能搞唔成了，但仍然心存希望繼續為實體Pro P準備；再到最後終於被通知要搞Online Pro P，無奈之下唯有將啲Planning改晒佢，呢個就係我哋成個一月嘅心路歷程。

知道F2F Pro P一定好玩過Online Pro P，但好可惜我哋無機會經歷呢樣嘢；好多準備工作都係喺仲以為搞到F2F Pro P嘅時候做嘅，所以好多嘢去到真係 Pro P期間都有所不足，難免有啲遺憾嘅。

但係都有好多值得開心同覺得慶幸嘅嘢發生咗：好開心我哋嘅IG排版咁靚，好開心好多出到嚟嘅Post同片都令人滿意；同大家共事之後好慶幸各位莊員都係做到嘢嘅人，唔同莊員喺唔同方面各有Talents，好慶幸我哋莊嘅Working Mode喺經過Pro P以嚟都一路改善緊。

仲記得就嚟出我個人Post嘅時候心情有幾忐忑，我哋係點樣喺整啲Items嘅Last Minute都仲改緊所有嘢，同莊員喺Pro p期間經歷咗好多唔同嘅瞬間。

Pro P好似過咗好耐咁，但其實只係冇幾耐之前。係度多謝晒各位莊員，同向我哋Pro P奮鬥過嘅每位莊員講聲辛苦晒。依家上咗莊，大家多多指教喇。