Harry

Pro P 令我最印象深刻嘅就係剪片。對之前從未接觸過剪片，由零開始學習嘅我嚟講確實有啲難度，而且仲要喺短短幾日內就要剪出好Jeng嘅成品真係Mission Impossible，不過多得我嘅莊員積極俾意見，令到我剪片嘅方向十分明確，最後剪片嘅進度先會比預期更好，而且見到大家都好努力咁準備Pro P，我都唔希望我負責嘅呢部份衰咗。當然由於我能力有限，唔可以一次性滿足大家嘅要求，要成日改到凌晨三四點先至改完，最後令到每條影片都delay。日日通宵剪片的確係幾辛苦，但最後出嚟嘅成果，大家都有目共睹。希望今次剪片帶嚟嘅經驗，可以令我喺之後嘅活動表現得更加好。