兩個星期嘅Pro P轉瞬即逝，對於一個大學freshman嚟講，Pro P嘅所有嘢對我嚟講都好新鮮，每一日都好期待其他人對自己準備嘅嘢會有咩反應。不過當中令我最享受嘅固然係同每一位莊員由唔熟到熟嘅過程，我哋開始prep Pro P前可以話仲處於磨合階段，每個人都好似陌生同事咁。直到經歷咗Pro P之後，我哋終於似翻一班有共同理想嘅朋友。會話今次Pro P最大得着係同莊員之間嘅距離近咗，每一日深夜都為咗第二日嘅Promotion Activity而奮鬥，同莊員之間嘅關係亦都因為咁樣而好咗好多。上莊真係令我識咗一班可以一齊熱血奮鬥嘅人，我相信我哋之後一定可以係呢個莊期內搞好所有嘢。
