Karis

話咁快Pro P就過咗個幾月…

諗返Pro P嗰兩個禮拜，甚至係再之前prep嘅嗰段時間，真係忙到癲咗，冇上過堂咁濟。嗰段時間，除咗要make sure一切嘅嘢on schedule ，又要無時無刻解答莊員嘅疑問同埋處理一啲突發嘅事情變動。

不過忙還忙，chur還chur，相信我哋所有莊員都好enjoy成個過程，亦都學到好多嘢。無論係一齊brainstorm Pro P內容、約出嚟一齊拍片定係一齊約實mass send（下省無限個「一齊」），呢段時間都令啱啱Form 莊嘅我哋多咗好多一齊相處嘅機會，而從中亦互相了解咗大家好多，熟習咗大家嘅相處模式等等。如果問我想唔想經歷多次咁chur嘅Pro P，講真我未必會話想。不過呢段共同奮鬥嘅時光，的確，已經成為咗我哋大學生涯中珍貴嘅回憶之一。

Pro P期間，真係辛苦哂各位莊員喇！亦都好多謝一眾上莊俾我哋嘅建議，令我哋喺各方面都做得更好。

終於上咗莊喇，希望我哋所有莊員都可以keep住 Pro P期間嘅初心同熱血，準備更多有意義同好玩嘅function俾大家啦！