肥仔

講起肥仔🍿 知你一定會諗起某個宇宙天團嘅成員💖 但此肥仔非彼肥仔❌ 雖然我哋呢個肥仔跳舞冇咁勁🕺🏻 但佢寫嘢真係好pro㗎🖋 喺佢渺小🤏🏻嘅身驅入面好似蘊含住一個小宇宙🌌 橋如泉湧💦🌊 從來未見過佢靈感乾涸🌑 所以我哋出版嘅嘢永遠都好詳細而簡潔🌛 正經而幽默🌜 我哋嘅E-Journal就係出自佢手筆㗎啦😎 想知佢文筆有幾勁就記住留意喇😚

話就話佢有個宇宙 但原來呢個宇宙容納唔到太多野食㗎咋(自稱)🈲 你唔好以為佢食好多嘢呀 佢同我哋食飯嗰陣食幾啖就話飽💨 就連我哋嘅女莊員都食得多過佢🤭(其實只係近排減肥節食 據講原本差啲代表香港出戰大胃王比賽🤫) 同埋佢對食嘢有種莫名嘅執著🙎🏻‍♂️ 就係佢絕對唔會用手掂食物🤦🏻‍♂️ 食薯片一定要有筷子🤷🏻‍♂️ 如果唔係就唔食㗎啦💆🏻‍♂️ 你有冇見過對食嘢咁有要求嘅肥仔吖？

你以為肥仔同一般嘅肥仔一樣唔做運動？ 咁易俾你估到就唔係我哋嘅肥仔啦🙃 肥仔喺中學六年都有玩長跑㗎👟(雖然係俾學校逼嘅🥺) 而且佢仲識游水添🏊🏻 唔講唔知佢有攞過水運會季軍㗎🥉(雖然因為場比賽得三個人😒) 尷尬嘅係因為佢試過跌落海🌊 從此之後就超怕水💧 所以基本上如非必要佢都唔會掂水㗎🥴 「做運動嘅就麻煩轉左⬆️ 食嘢寫嘢嘅就幾多都嚟🤤」